仁愛堂史立德夫人青少年兒童醫療基金

 

「以前我一個朋友都無，測驗0分；而家我有一個朋友，測驗50分；以前我上堂唔明白老師講乜，我會唔開心、會喊、會發脾氣！而家老師讚我乖，仲俾組長我做，我覺得好開心！（笑聲……）好多謝仁愛堂，因為令我有醫生睇、有藥食，我覺得自己而家好叻，將來要起一間大屋俾嫲嫲住……。」7歲的皓皓眼裡充滿希望地說。

 

有誰想到眼前這個生得高大活潑的小二學生，半年前在學校裡是一個「人見人怕」的「反斗星」？老師會因為他在課室內經常離座、亂跑亂叫、難以專注課堂內容而頭痛萬分；同學們則會因他熱情又衝動的性格，屢屢闖禍而不願與他交朋友！！有誰知道，這個名叫「皓皓」的小男孩，以往因為老師的責難、同學的排擠而常常流下絕望的眼淚？

 

與嫲嫲盧女士相依為命的皓皓，幼稚園起已過著每天被老師投訴的日子，有一次老師建議盧女士帶皓皓去做評估，結果「謎底」解開了：皓皓被確診同時患上「語言障礙」、「專注力失調」和「過度活躍」。「原來佢腦部神經傳遞物質失調，令佢專注力弱，容易分心而形成行為問題，但只要服用精神科藥物去調節，就可以幫佢安定情緒和回復專注力；我當然希望趁佢未定型，把握黃金時間去醫好佢！」

 

雖然盧女士已立即去公立醫院的兒童精神科排期，可惜輪候病人眾多：「由2016年5月開始排，都要等兩年，到2018年4月先至有得睇醫生；我本身係長期病患者，好易疲倦，照顧皓皓已令我心力交瘁，想搵工做都無精神體力，我一直只係用微薄積蓄過日子，根本無能力每次俾幾千蚊、帶皓皓去睇私家醫生醫病，所以好徬徨無助！」

 

適逢以服務特殊疾病兒童為己任的「仁愛堂史立德夫人青少年兒童醫療基金」隆重成立，當一直跟進皓皓個案的社工，知悉基金首階段推出「專注力失調/過度活躍症資助計劃」後，立即聯絡盧女士申請，結果基金以皓皓屬「全額書簿津貼受惠學童」的身分，迅速審批其申請。

 

「皓皓自2016年5月開始得到基金資助，我每次只需要俾100蚊，就可以由仁愛堂安排的精神科專科醫生跟進治療皓皓的病情。自從服藥後，今個學期老師已經再無投訴皓皓，話佢乖咗又安靜咗，同學仔都開始接納佢。」

 

「所以我想在此呼籲，善長仁翁請捐助『仁愛堂史立德夫人青少年兒童醫療基金』，因為這個基金改變了皓皓的命運！令佢可以在獲得公立醫院診治之前的兩年真空期內，提早睇醫生，把握到黃金治療時間。呢喲病愈拖得耐，愈影響學習，到時只會令皓皓白白浪費兩年時間，一切學業都難以挽回！現在皓皓因為學業有進步，老師讚多咗佢，和同學關係又好咗，對生命重拾信心，我都老懷安慰，亦很感謝仁愛堂的幫助！」